Bernskubrek afstyrmisins

Fundist hefur mynd frá bernskuslóðum jólanasistasveinsins. Samkvæmt heimildum þeirra sem að til þekktu bjó umræddur skítaháleistur að ósköp venjulegu, ástríku uppeldi. Hann hélt sig mikið til heima við og hjálpaði til við heimilisstörf á milli þess sem hann stoppaði upp fugla ásamt einstaka heimilisdýri. Hann var vinsæll meðal jafningja og hafði einstakt lag á því að draga fram það jákvæða í öllu sem að atvikaðist í kringum hann. Sveitungar hans George C. Scott og Helga Möller og svo sá er um er rætt, voru oft kölluð þríeykið og voru hinir mestu mátar. Ekki er mér kunnugt hvernig það atvikaðist að þessi öðlingsdrengur breyttist í dýróða nasista- morðmaskínu, en mér segir svo hugur að einhvers staðar á leiðinni hafi komið babb í bát hans og herra Scott. Helga er mér hulin ráðgáta, en ég sá hana einmitt syngja söng nasisma á menningarstöðinni popp tíví, afstyrminu til hyllis.

Ég segi enn og aftur, tökum höndum saman og stoppum blóðsúthellingarnar og tilgangslausu drápin sem að eiga sér stað hér í okkar litla fallega landi.

Skráðu þig í anti-jólanasistasamtökin

Tvídrangar

Þess ber að geta að í stað einnar tilvitnunar úr úrvalsmyndinni Donnie Darko(ein af betri myndum sem að ég hef séð það sem af er ári) hef ég sett upp 114 tilvitnanir úr sjónvarpsþáttaröðinni Tvídrangar. Þessar 114 tilvitnanir spanna pilot-inn og þátt 1-29(finale). Hvað Tvídranga varðar, þá skilst mér að það sé hægt að vera þartilgert Tvídrangafrík í henni Ameríku, og veit ég fyrir víst að ég væri þannig frík ef ég væri búsettur þar. Ég held að ég hafi séð hvern þátt á sínum tíma allt að 30 sinnum(25% af þeim skiptum var ég með meðvitund.) Ef að ég ætti að klæða mig upp sem Tvídrangapersóna þá yrði ég klæddur sem Dr. Jacobi eða sem Major Briggs, einnig kæmi til greina að klæðast sem konan með lurkinn. Ég á ekkert sérstaklega von á því að nokkur af þessum aumu sálum sem hér inn slæðast átti sig á hvað í rassgatinu ég er að tala um, en ég hef ekki fyrirhitt annað eins frík og mig hvað þetta varðar síðan ég hitti Óttar Bjarnason síðast, en hann lá yfir þessu með mér meðvitundarlaus í kofaskrípinu sunnan og norðan við skítalæk. Meira um Tvídranga síðar.

Ég verð að segja að enn einu sinni hefur andfélagsmanninum tekist ákaflega vel til með sína umfjöllun um Leoncie og ógæfubesefann hann Sigurjón Kjartansson. Ég ætla að vona að Sigurjón Kjartansson hljóti ekki ólík örlög og Leo Johnson í fyrrgreindri seríu og Leoncie verði borin út úr landi á súlfat drullugu silfurfati.

Vísitöluhátiðarmánuðurinn er genginn í garð og vísitölukrypplingar fara á kreik. Þetta er einnig vertíð sjálfsmorða og andstyggilegra fjölskylduuppákoma þar sem að fólk neyðist til að vera eins prúðbúið og auðið er. Drykkja og faraldur morða og taugaáfalla ríður landanum að fullu og þeir sem að lifa þetta af hengja sig þegar þeir fá kreditkortareikninginn á þessháttar kredirkortareikningsdegi í janúarmánuði. Fólk sem að öllu jöfnu hatast og þolir illa hvort annað kemur saman, étur hangikjet og drekkur sóðalíkjöra(nema þeir sem að eru orðnir leiðinlega edrú.) Ég satt best að segja var að vonast til að vera erlendis í góðu yfirlæti hjá gyðingafjölskyldu í Fíladelfíu(gyðingar halda ekki jól) en vegna bágborins atvinnuástands neyðist ég til að hanga hér og taka þátt í þessu árlega þjóðarmorði.

Ögmundur segir hingað og ekki lengra!

Ögmundur Jónason hafði samband við George C. Scott síðdegis og bað hann um að liðsinna sér í þessum óþverramálum sem að dynja nú yfir íslensku þjóðina. Ögmundur sem ekkert aumt má sjá, gerði sér fyrstur þingmanna grein fyrir alvörunni og viðbjóðnum sem að fylgir ofstækisafstyrminu Jólasveininum. Hann hafði orð á því að hann hefði séð í gegnum eimskipafélagsmerkið á húfu kalls þegar hann talaði á þingfundi deginum áður og áttað sig samstundis á að þjóðin væri grandalaus gagnvart þessu sóðakvikindi sem að heltekur fólk sem að minna mega sín og slátrar því fyrirvaralaust. Ögmundur sagði einnig að hann skyldi kosta öllu því sem hann ætti til að sjá jólasveinanasistann á kistubotni.

Ég smellti þessa fínu mynd af Ögmundi og herra Scott þar sem að þeir standa fyrir aftan nýuppsprengda Hallgrímskirkjuna.

Sæng mín er útbreydd!

Það gleður mig ósegjanlega að tilkynna ykkur sem að rata hér inn ég hef fundið fyrirtæki til að fjármagna mig og það sem að ég hef í hyggju að framkvæma í framtíðinni. Þetta fyrirtæki er hið víðfræga og sívinsæla BonziBuddy corp. staðsett í henni Ameríku. Það var snemma í morgun sem að framkvæmdastjórinn hringdi í mig og kynnti fyrir mér hvað ég þyrfti að gera til að komast á dollaraspenann hjá þeim(ég er að tala um $$$$ og ég sé núna fyrst sæng mína útbreydda í þessum vonda heimi.) Það eina sem að ég þarf að gera er að setja þennan tengil á síðuna mína.

Því segi ég, í tölvuna mína(huh) BONZIBUDDY að sjálfsögðu.

ATH. Ágóðinn af þessu projekti rennur allur í sjóð samtaka gegn jólasveinanasisma!

Jólasveinanasistinn talaði á Alþingi í dag.

Mörgum til mikillar furðu steig í pontu á Alþingi í dag kvikindi sem að hefur verið tíðræddur hér á heimasíðu minni. Ófétið var enginn annar en nasistinn og barnamorðinginn sá er við köllum í daglegu froðusnakki Jólasveininn. Þeir sem að fylgst hafa með herferð minni gegn þessum blóðþyrsta niðursetningi kemur ekki á óvart þau ítök sem að þessi rauðklædda feitabolla hefur. Jólanasistasveinninn anti-semetíski talaði um nauðsyn þess að minnka fólksframleiðslu hér á landi, koma fötluðum og þeim sem að minna mega sín í þessu þjóðfélagi inn í sérstakar vinnubúðir lengst út í afdölum undir stjórn hjálparkvikindinna úr windows stýrikerfinu. Hann sagði að hann vissi vel af veru erki óvinar síns, George C. Scott og bað opinberlega að það yrði gerð út sérstök nefnd til að koma honum fyrir kattarnef.

Eins og sjá má á meðfylgjandi mynd brostu allir út að eyrum og voru ánægðir með þessar frumlegu hugmyndir.

Ég segi, sameinumst gegn þessum viðbjóði áður en að hann drepur okkur öll.

Nýjar staðreyndir!

Nýjar staðreyndir liggja ljósar fyrir í máli nasistans og blóðsúthellingar- kvikindisins Jólasveinsins. Myndin hér hægra megin þykir sanna að hann njóti stuðnings hjálpardjöflanna úr windows stýrikerfinu. Er hann þarna staddur með bréfaklemmunni morðóðu, galdrakarlinum blóðþyrsta og mannætuhundinum Cujo. Það er ekki hægt að segja annað en að þetta setji ugg að þeim sem að til þessara andskota þekkja og er nýstofnuðum samtökum gegn jólanasistasveininum ljóst að með þessa stuðningsmenn sé viðbjóðurinn ásamt stórhættunni ofaukið. Er talið víst að þeir hafi aðsetur í Smáralindinni sunnan við skítalæk.

George C. Scott er búsettur hérlendis

George C. Scott sem að best er þekktur fyrir leik sinn í myndinni um generálinn herskáa Patton er búsettur hérlendis, mér og öðrum íslenskum aðdáendum til mikillar gleði og sérstakrar furðu. Fyrir mitt leyti er George C. Scott meðal bestu leikara sem að uppi hefur verið og er mér sönn ánægja að vita af honum hér á STÓRborgarsvæðinu. Ég get vart lýst því hvernig mér leið innanbrjóst þegar mér var tjáð að til hans hefði sést í vesturbæ Reykjarvíkur sinnandi sínum hversdagslegu erindagjörðum rétt eins og hver önnur manneskja. Gaman væri að vita hver hans skoðun væri á hinum illræmdu öflum sem að fylgja jólanasistasveininum og hvað er til ráða.

Burt með þennan ósóma

Stofnuð hafa verið sérstök samtök gegn þessum ósóma sem að við kjósum að kalla jólasveininn. Samtökin skipa ónefndir aðilar sem að hafa alið grunsemdir sínar á rökum í gegnum tíðina og eru tilbúnir að berjast í bakkafullan lækinn til að koma þessu morðóða kvikindi út úr okkar menningu. Samtökin eru á þeirri skoðun að hamfarir heimsins megi undantekningalaust rekja til þessa kvékindis. Þau munu leitast við að sanna það fyrir almenningi að hér sé á ferðinni blóðþyrst og fégráðugt óféti sem að svífst einskis til að verða mannkyninu að falli.

Jólasveinninn er nasisti

Ég var staddur í 10/11 niður í Lækjargötu til að kaupa mér næringu, það kann að koma ykkur á óvart en ég ætla ekki að útlista það fyrir ykkur hvað ég keypti í matinn, né ætla ég að uppfræða ykkur hvernig ég steikti það sem ég keypti. Ég bendi ykkur á í fullri vinsemd að það eru til síður þar sem maður getur lesið sér til um innihaldsefni matvæla og svo hvernig skal verka það sem maður setur í innkaupakörfuna sína. Allavega ég var staddur við frystiborðið þegar ég heyrði fyrsta jólalagið mitt í þessum mánuði blóðsúthellinga, brjálæðis, mannvonsku, limlestinga, innbrota, múgæsinga og laufabrauðs. Þar var engin önnur á ferðinni en hún Helga Möller, systir gamla umsjónakennarans míns (find a happy place, find a happy place.) Ég missti umsvifalaust matarlyst og hvítnaði upp, ég hrasaði því næst um gólftuskustandinn og missti andann. Undir þessu ómaði og gjall í Helgu Möller. Á sama tíma áttaði ég mig á því að þetta er ekkert annað en eitt stórt samsæri og að öllum líkindum anti-semitismi á háu stigi og jólasveinninn gæti ekki verið neitt minna en formaður nýnastistasamtaka og Helga Möller í vitorði með honum.

Í framhaldi af þessari andstyggðarlífsreynslu dreg ég herör gegn jólasveininum og hef ákveðið að það verður annað hvort ég eða hann og ég gefst ekki auðveldlega upp, svo mikið er víst.

saga Möller ættarinnar