[9]
[9]Oct
24
Nick Cave
October 24, 2006 20:10
Ég var staddur á kaffihúsi snemma í morgun, þegar ég fyrirhitti Nick nokkurn Cave. Ég gerði mér lítið fyrir og pissaði bara í buxurnar mínar appelsínugulu. Þetta var ósköp vandræðalegt því ég var í beinni sjónlínu við meistarann. Sök sér hefði ég verið í gallabuxunum mínum, en að pissa í appelsínugular buxur er frekar áberandi. Óheppilegt atvik af þessari stærðargráðu fór ekki framhjá jafn athugulum manni og Nick Cave. Hann starði á mig. Mér leið eins og fórnarlambi Stagger Lee, en tók þá ákvörðun að láta þetta samt sem áður ekkert á mig fá, heldur pantaði mér kokhraustur einn einfaldan kaffi latte í götumáli.
Ég var mikill aðdáandi Nick Cave hér á árum áður. Ég man þá tíð að það rúmuðust aðeins þrír listamenn í mínu hjarta, Nick Cave, Polly Jean Harvey og Tom minn Waits. Eitthvað hefur þetta breyst í seinni tíð.
Ég var tildæmis staðráðinn í að sjá bæði Nick Cave og Tom Waits á tónleikum, og eftir það mætti gróðursetja mig. Ég hef í þrígang séð Nick Cave á tónleikum, en Tom Waits hef ég aldrei séð.
Hvað segir maður við Nick Cave, þegar maður hittir hann á kaffihúsi. Er við hæfi að kasta á hann kveðju og tilkynna honum það að hann standi augliti til auglitis við einn af hans stærstu aðdáendum.
Nei, þess vegna er best bara að pissa í buxurnar. Það er áhrifarík og örugg leið til að festa sjálfan sig í minni átrúnaðargoðsins. Hver gleymir manni sem gerir sér lítið fyrir og pissar í brækurnar. Enginn. Nákvæmlega enginn.
Comments
8 Responses to “Nick Cave”
Þú hefðir betur látið vaða númer tvö líka. Það svíkur engann. Hver gleymir manni sem hægir sér til kviðar og einnig baks af aðdáun á manni. Ekki Nikulás Skúti, svo mikið er víst.
hvar var ég á þessu magnþrungna augnabliki??
maður ætti að stija meira á þessu déskotans kaffihúsi, þá loksins að maður bregður sér frá þá mætir sjálfur meistarinn....
Ég ætla að bregða mér afsíðis og vinna mér tjón í þessu tilefni.
is this for real? did I get this right?
Þú hefðir átt að biðja um að fá að faðma hann. Halda honum þétt að þér í skamma stund. Anda að þér snilldinni. Kreista kónginn bara oggu poggu. Sleppa honum svo. Brosa og segja bara "thank you Nick"
Very impressive, pee and orange! I'll never forget you. You wanna see Tom Waits with me some day?
Afhverju settirðu mynd af Herra Z. (Zeranico) við þessa færslu?
Já, það er von þú spyrjir kæra B.
Það er til Lausn !
Fáðu þér bara leðurbuxur eins og eins sú landsfræga leðurhóra Frú Sigríður gengur jafnan í og þá er ekkert mál að pissa í sig á almannafæri. Það sem leðrið ekki sýgur upp hripar þá í versta falli niður undan skálmunum ofan í skóna. Þegar lyktin er orðin of megn smellirðu þér bara úr leðurbuxunum, hellir yfir þær bensíni og kveikir í og ferð og kaupir þér nýjar. Málið dautt !!!!