Feb
1
Skítur skeður
February 1, 2007 23:02
Í síðustu nótt dreymdi mig að ég væri aftur byrjaður að vinna á sjúkrastofnun í ónefndu bæjarfélagi. Ástæðan fyrir því að ég brá á það ráð að ráða mig til vinnu hjá stofnuninni, var sú að litla sæta fyrirtækið mitt var ekki að landa nógu mörgum kílóum af evrum.
Svo úr varð að ég réði mig til starfa, í þágu almannaheill. Ég var staddur á vaktinni, eins og það heitir, þegar einn vistmaður stofnunarinnar, kastar í mig illa þefjandi hægðum sínum. Hann hlær eins og skrattinn, yfir uppátæki sínu. Ég var í draumnum mjög teprulegur, og þótti illa að mér vegið. Ég rembdist við að skola af mér skítinn, en það var alveg sama hvað ég skrúbbaði og skolaði, allt kom fyrir ekki, alltaf fann ég aðra skítaklessu.
Þegar ég var loksins orðinn tandurhreinn, eða eins tandurhreinn og hægt er að verða í svona starfi, var komið að því að skúra gólf og vaska upp. Við það féllust mér hendur, og ég tilkynnti stúlkunni sem var með mér á vaktinni, að ég þyrfti ekkert á þessari vinnu að halda. Ég væri orðinn mjög virtur kaupsýslumaður í 101 Reykjavík, og það að þrífa skít og drullu, væri bara nú á dögum langt fyrir neðan mína virðingu.
Ég tók af mér uppþvottahanskana og tilkynnti nærstöddum að ég væri farinn, og þau gætu tekið þroskaþjálfunina sína og troðið henni upp í boruna á sér. Ég man að þegar hér var komið við sögu í draumnum, brá gömlum hústjóra fyrir. Í tilefni af athæfi mínu var hann prýddur vanþóknunarsvip. Einmitt þeim vanþóknunarsvip sem fór honum svo afskaplega vel, þegar ég vann hjá honum í vakanda lífi.
Ég gaf honum miðputtann, ( eitthvað sem mig dreymdi um að gera ) og trítlaði á dyr.
Skítur tekur á sig hinar ýmsustu myndir. Í ákveðnum skilningi vinn ég ennþá við að þrífa skít. Skíturinn er kannski stafrænn að þessu sinni, en skítur engu að síður.
Comments
13 Responses to “Skítur skeður”
er það ekki fyrirboði fjárhagslegrar velmegunar að hafa það sem myndi vilja kalla í þessu tilfelli "saurfarir"?
Interessante... kuka kuka
Hægðir eiga sér stað.
Ef að saur er fyrirboði fjárhagslegrar velmegunar þá er líklega ekki gott að snúa við honum baki
Saur boðar breytingar.....Skíturinn að fara út,ef þú leyfir honum það.
Það er einstaklega gott að hlusta á ykkur
Já, það kemur heim og saman við þau undur og stórmerki sem gerðust á prívasíinu fyrr í dag. Enda líður mér snöggtum skár.
Já, segðu okkur endilega betur frá því Sigurður. Láttu koma fram eftirfarandi upplýsingar:
1. Lit
2. Áferð
3. Kornastærð
4. Glansstig
5. Lengd
6. Sverleika, ef það á við.
7. Seigju
8. Storkumark
9. Hitastig.
10. Eðlismassa
11. Fallþunga
12. Tón
13. Lykt
14. Hörku
Siggi, láttu Frú Sigríði ekki rugla þig í ríminu. Storkumark er ekki raunverulegt íslenskt orð, það er ekki til, og ef það væri til væri það ekki notað til að lýsa kúk. Þetta er bara eitthvað rugl.
Siggi. Kúkur táknar traust. Þessi maður treysti þér nógu vel til að horfa á sig kúka og ekki nóg með það... til að taka við kúknum líka. Þetta hlýtur að segja sig sjálft.
ég held að þessi draumur þinn hafi verið samþættur. Það er að þetta var draumur sem margir áttu, að geta sveiflað puttanum í fésið á manneskjunni. Saurinn er eitthvað annað sem ég kann ekki að skýra
Þetta var tímabilið sem ég fékk ógeð á þroskaþjálfun og normaleseringu. Hvað í fjandanum er það að vera normal eiginlega. Er það að hanga öllum stundum á kaffihúsi, afneita barninu í sjálfum sér og kaupa dýr föt fyrir alla peningana sína. Gott dæmi um hvernig hugmyndafræði og pólítísk rétthugsun gersamlega skítur í sig.