Archive for April, 2007
Fyrir átta árum
Ennþá brennur mér í muna,
meir en nokkurn skyldi gruna,
að þú gafst mér undir fótinn.
Fyrir sunnan Fríkirkjuna
fórum við á stefnumótin.
En eg var bara, eins og gengur,
ástfanginn og saklaus drengur.
Með söknuði ég seinna fann að
við hefðum getað vakað lengur
og verið betri hvort við annað.
Svo var það fyrir átta árum,
að ég kvaddi þig með tárum,
daginn sem þú sigldir [...]
martröð
Í fyrrinótt dreymdi mig andstyggilegan draum. Ég var staddur í miðri unglingahrollvekju. Mig dreymdi að ég væri með einhverju fólki í einhverri kommúnu í Kópavogi. Ekkert af þessu fólki þekkti ég.
Við vorum að leita af vinkonu okkar sem hafði ekki sést í ótilgreindan tíma. Við hófum leitina í herberginu hennar. [...]
föstudagsbrauðið
Rétt í þann mund sem ég tók þennan brauðhleif úr ofninum, varð mér hugsað til þín.
Hvar ert þú núna?
Ég er hér.
Er mögulegt að þú sért kannski þarna?
Stundum finnst mér lífið flókið. Þá er gott að fá sér brauðsneið.
Þjóðarsmánin
Sem ég væri moggabloggari ætla ég að segja álit mitt á afmælisveislu Björgólfs Thor og svo uppástungu háskólaprófessors um að ráðast á Ísland.
Fyrst afmælisveislan hans Björgólfs.
bla bla bla bla bla, memememe mí mí mí mí mí mí bla bla bla bla bla bla bla bla bla hahhhahhahhaa. Fa fa fa fa fa fa fa rooooop.
Víkur [...]
Í dag er ég brjálaður
Ég er brjálaður yfir þessu.
Þannig er það nú bara.
Hann er einn tittlingur
Ég var staddur á kaffihúsi um daginn, að fá mér molasopa. Mér finnst gott að fá mér molasopa, einstaka sinnum. Þó svo slíkar uppákomur reynist offitusjúklingi eins og mér erfiðar, ef ekki stórhættulegar.
Á borði ekki svo langt í burtu sátu tvær ungar konur í blóma lífs síns. Þær voru ekki búnar [...]
Nasa
Ég skil ekki í því að ég fari ekki oftar á skemmtistaði, þegar ég fæ tækifæri til að hitta alveg sérstaklega leiðinlegt sauðdrukkið fólk úr fortíð minni. Í gær fór ég að sjá hana Kristin mína Hersch. Með mér í för var týpa, sem hafði fyrir slysni hellt heilum stauk af patchouli olíu [...]
Doktor Bob
Doktor Bob er kominn heim í hlað. Ég tók afleggjara af honum, þar sem hann lá í blóði sínu eftir fólskulega árás portkonunnar Fröken Sigríðar.
Fröken Sigríður!
Ég hef vopnast. Haltu hestum þínum innan girðingar, annars skaltu eiga mig á fæti.
Ma Nishtana
Ég hef reynt eitt og annað til að flýja uppruna minn. Ein af vonlausari ráðagerðum til að snúa baki við því menningarsamfélagi sem ég ólst upp í, var þegar ég ætlaði að taka gyðingstrú. Hvernig nákvæmlega mér hugkvæmdist að gera þetta, kann ég ekki fullnægjandi skýringu á. Var þessi ákvörðun mín trúarlegs eðlis, [...]
anonímýs
Á kaffihúsi sitja ónefndir aðilar. Þeir eru nýkomnir af aðalfundi samtaka iðnaðarins.
: Ég verð nú að segja að fundurinn í fyrra höfðaði meira til mín, en nýafstaðinn fundur.
: Já, mér fannst spíkerinn ekki tala nógu mikið um lausnina. Hann var alltof fastur í vandamálinu.
: Sko, það er þannig að þeir sem eru [...]
[3]