Tímabundin tilvistarkreppa sem staðið hefur yfir í 35 ár. Ég tel að þessi setning lýsi lífi mínu með mikilli prýði. Bráðaþunglyndi helltist yfir mig þessa helgi. Bráðaþunglyndi er alveg sérstakt afbrigði af þunglyndi sem er jafn áreiðanlegt og íslenskt veðurfar. Talandi um íslenskt veðurfar, þá snjóaði í höfuðborginni. Það er kominn 21 maí og það snjóaði. Þetta er alveg nóg til að gera mig gersamlega brjálaðan. Það lætur því nærri að lundarfar mitt sem er vanalega blómum prýtt, hefur meira og minna hlaupið í kekki síðustu daga. Ég sem hef fengið orð á mig í gegnum lífstíð mína fyrir að vera dagfarsprúður, kærleiksríkur og gefandi í samskiptum mínum við mús og menn, þurfti að láta í minni pokann fyrir gremju, vænisýki og hugsunarhætti sem þar af 90% var mér og mínum gersamlega gagnslaus. Hver er ástæðan fyrir þessu. Ég satt best að segja geri mér enga grein fyrir því. Þar af leiðandi ætla ég að skrifa þetta á land og þjóð, ásamt þeirri staðreynd að ég óskaði ekki eftir því að fæðast og bla, bla, bla. Þetta er tugga, sem yfirleitt er tuggin í þessu hátíðarskapi. Ég gæti líka kennt Condoleezza Rice um. Hún stendur vörð um mannvonsku þessa heims. “Þið sem sprengið turnana mína, skuluð sko eiga mig á fæti!”, segir hún. Án fíflaláta, þá vill þetta fólk ekki að lausn verði fundin á viðhorfum heimsins til Brandararíkjanna. Það vill frekar ala á hatri og gera hvað sem í þeirra valdi stendur til að skara eld að hatursköku þessa heims. Já, bráðaþunglyndi mitt er Condoleezzu Rice að kenna. Hún og hennar líka eru að sigla með okkur öll í gin glötunar. Hún er viðbjóðurinn í þessu dularfulla máli.
2 thoughts on “Condolezza Hrís”
Comments are closed.
ja, hún er með skrítið augnaráð, maður verður hálf hræddur..eiginlega.
Komdu Lísa Ræs hin forsetalega ballar suga er ein af þessum skelfilegu strengjabrúðum hins illa heimsveldis. Við sem búum í nálægð við ósköpin bíðum eftirvæntingarfull eftir kosningum í nóvember þar sem gæti svo farið að demókratar vinni meirihluta bæði á þingi og í öldungardeild sem mundi þíða að næstu tvö ár yrði þessi skelfilega glæpaklíka í raun valdalaus. Og því miður til að tryggja að svo fari, verður þetta fólk helst að vaða uppi með ósóma og látum um allan heim og meiri dauði í Írak fram í nóvember er alger nauðsin. Amríska þjóðin getur því miður ekki haldið athygglinni nema vera barið í hausinn með ógeðinu. Ef altíeinu kæmi einkurskonar skinsemistónn í hiskið og stundar friður í Írak er við því að búast að kristileg mál eins og hommahatur og stjórnsemi með rétt kvenna, yrðu alsráðandi í umræðunni og líðurinn enn á ný hrakinn í ótta í faðm fasismans.