Ég er að verða búinn að fá upp í kok af appelsínugulri tilveru minni. Mér verður flökurt í aumingjans mallanum mínum í hvert sinn sem ég kem inn á þennan vef.Ég á hinn bóginn hef ekki orðið tíma til að njugga sjálfshyggju mína. Hvernig stendur á því og hvernig kem ég til með að lifa það af? Eins og allt það fólk sem vegur eitthvað í hita og þunga íslensks samfélags er ég orðinn kaupsýslumaður og þarf því að haga mér sem slíkur. Mér er engan veginn tildæmis fært um að tala við alla sem á vegi mínum verða. Það þarf ekki að fara fyrir brjóstið á neinum og alls engin ástæða til að taka því persónulega þó ég sé ekki að kasta á fólk kveðjur hægri vinstri. Ég einfaldlega kem ekki til með að hafa tíma til þess. Eins og segir í The Apprentice, “It’s not personal, it’s only business” og hef ég ákveðið að gera þau orð, ásamt svo ótal mörgum gullkornum Donalds ljóta Trump að mínum.
Já, ég þarf að klæða mig upp í sjakket, á degi hverjum og punta mig. Rífa úr mér nefhárin, raka eyrun, setja á mig vellyktandi svo eitthvað sé nefnt. Það halda það margir að það sé einfalt að vera kaupsýslumaður, en ég get fullvissað ykkur um að svo er ekki. Það útheimtir blóð svita og tár. Möguleikinn á að missa vini sína og fjölskyldu, vex svo um munar. En hverju skiptir það, þegar maður eignast seðla í staðinn. Sá sem á mest af seðlum þegar hann deyr vinnur.
7 thoughts on “Appelsínugul tilvera”
Comments are closed.
ef þú hefur þessi orð Ozzy Osbourne að leiðarljósi í kaupsýsluvafstri þínu þá mun þér vegna vel…..”be good to everybody on your way up because you are going to meet them on your way down”
þér eruð krútt Siggi minn og ekki yrðiru nú verri í sjakketti. Öfugt við Ozzy, þá hef ég það eftir mönnum með reynslu að það sé einmanna á toppnum. Ekki vegna þess að mönnum sé meinað þangað, heldur eru þeir of upptekin að hindra aðra í að komast þangað að enginn kemst spönn frá rassi. Almúginn berst á botninn meðan þú Siggi minn verður skýja kljúfur velgengi.
Já, einmitt. Ozzy er vinsamlegur við alla vegna þess að hann er stöðugt hamingjusamur, glaður og frjáls sökum vímuefnaneyslu. Hann hefur efni á svona hugmyndafræði, ekki ég.
…og núna ferðu að kjósa sjálfstæðisflokkinn.
Að sá vinni sem mest á af seðlum þegar hann fer til jésú er ofeinföldun, en þú minnist á helstu atriðin í máli þínu, þótt þú sért fáviti. Formúlan til að meta stigafjölda þegar farið er til jésú er svona:
Stig = (((Seðlar * fjöldi_fórnarlamba) + (lítrar_vellyktandi * aldur_þegar_farið_til_jésú_)) – (nefhár_að_meðaltali + ógrættir_fjölskyldumeðlimir_á_ári)) / góðverkum_sem_enginn_veit_af
Segðu mér Sigríður, kemur hvergi inn í þessa jöfnu fjöldi kvenfólks sem maður kann að hafa sængað hjá?
Pétur, fjöldi kvenna fer auðvitað inní jöfnuna undir fjöldi fórnarlamba.