Landsamband riðla

Ég fór með rangt mál í síðustu færslu. 50FOOTWAVE er ein af þeim hljómsveitum sem Kristin Hersh er í. Fyrsta albúm þeirra heitir “Free Music”.

Ég skemmti mér alveg prýðilega á tónleikum Throwing Muses. Ég kann Fóstradamus enn og aftur þakkir fyrir. Það var gaman að sjá hana Kristin Hersh. Hún er stórglæsileg, komin á fimmtugsaldur. Ég hef meira fylgst með sóloferli hennar og á mér þann draum að sjá hana spila sóló. En það var heljarinnar kraftur í Throwing Muses og undirritaður dillaði sér fram og aftur eins og oft þykir við hæfi á tónleikum sem þessum.

Eftir tónleikana fór ég á kaffihús með félögum mínum. Ég fékk þá til að uppfræða mig um hvernig koma eigi kvenfólki til. Það vill svo óskemmtilega til að ég kann engan veginn að stíga í vænginn við konur. Mig er farið að gruna að bein tengsl séu milli þess hversu ömurlegur ég er og hversu illa mér gengur að ganga í augun á kvenfólki. Þessir félagar mínir hafa verið sæmdir heiðursverðlaunum samnorrænna samtaka riðla. Þeir gátu þar af leiðandi sagt mér hvernig ég kæmi breddum til, en það er nafngift sem þeir nota yfir konur. Ég er þessum félögum mínum ævintýralega þakklátur fyrir að sjá aumur á mér. Það stendur ritað í Kabbalah að þráin til að gefa af sér skjóti sjálfum dauðanum ref fyrir rass. Hafa félagar mínir svo sannarlega skilað af sér góðu dagsverki í þágu mannkyns.

8 thoughts on “Landsamband riðla”

  1. Ég tel að þú ættir að endurskoða hverjum þú drekkur kaffi með eftir að skyggja tekur herra Segurður!

  2. Sammála Pétri, og aukinheldur finnst mér að þú ættir að fá ráð hjá dömu um það hvernig dömur vilja láta tríta sig. Myndi bjóða mig fram, en er ekki dama, sorry.

  3. Það held ég að sé nú allur gangur á hvað kemur kvendýrum til, einhverjar láta hafa eftir sér opinberlega að penthouse íbúð og sportbíll sé lykillinn að kynfærum þeirra og aðrar gera sig góðar með ástúð og virðingu svo þessi vegur er liklega vandrataðri en þrepastiginn þarna í samtökum iðnaðarins sem er einmitt svo móðins þessa dagana ….

  4. Hún býr á Hótel Barón ef þú vilt stalka hana……

  5. Þú ert ótrúlegur Siggi…Það sem uppúr þér kemur..Eins og mér finnst þú dásamlegur á ég örugglega seint eftir að átta mig á þér…
    P.S. Takk fyrir að setja þessa guðdómlegu mynd af mér úr búðinni á myndasíðunna, hún undirstrikar svo sannarlega einn af okkar ylhýru frösum;
    Að koma til dyranna eins og maður er klæddur…Klukkan níu um morguninn!

  6. Flestar konur vilja láta taka sig….. FAST!!!!!

  7. Æi Siggi minn, konur eru ofmetnar og líka þessi svokallaða ást.

    Bráðum verð ég þrítug, geturðu ímyndað þér það – ég sem lít ekki út fyrir að vera deginum yngri en 57. Jæja þér verður alla vega boðið í veisluna. Hef samband.

Comments are closed.