Það er ekki hægt að vera mikið meira 101, en að pissa yfir samnemendur sína í listrænum tilgangi. Það er ekki hægt að kalla sjálfan sig listamann að mér virðist án þess að handfjatla annað hvort kúk eða piss í listsköpun.
Þegar ég vann hjá hinu opinbera fékk ég að sjá video af manni upp í Heiðmörk, þar sem hann sprangaði um með einhverja gúmmí grímu, þar til hann staðnæmdist, gerði sér lítið fyrir, girti niður um sig og lét vaða þarna í grasið. Listunnendur sem voru viðstaddir þennan ófögnuð, klöppuðu af kátínu yfir þessu þrekvirki mannsandans. Bravó, bravó, þetta er svo magnað verk. Svo frumlegt. Kúkur og piss eru einmitt þau viðfangsefni sem hreyfa við fólki, og vekur það til umhugsunar um …… ég veit ekki hvað. Um gildi þess að eiga góðar hægðir. Eða að allir þurfa að kúka.
Finnst ég er svona menningarlegur þá þótti mér umfjöllun Milan Kundera um kúk í bókinni Óbærilegur léttleiki tilverunnar andskoti skemmtilegur. Öll þurfum við að fara á kamarinn, til að eiga þessa gæðastund með okkur sjálfum, en athæfið er eitthvað sem allir hafa orðið sammála um að þaga í hel. Rétt eins og um eitthvað tabú sé að ræða. Hann reyndar kallaði þetta kitch, sem er listrænn viðbjóður. Ekki að það þetta sé kannski orðið ákjósanlegt umræðuefni í fermingaveislum. En ég veit að elíta þessa samfélags, menn sem vega eitthvað í þessu þjóðfélagi hafa setið kvöldlangt á Kaffibrennslunni sálugu og rætt um gildi þess að eiga góðar hægðir.
Það besta er þegar fólk fer saman á klósettið að kúka. T.a.m. þegar einhver sem þarf að læra að treysta þarf að kúka. Þá er upplagt að aðrir sem þegar hafa lært að treysta, (s.s. ekki nýliðar í trausti), fari með nýliðanum á klósettið og standi í kringum hann/hana á meðan kúkað er. Við þetta ættu margar hömlur að hverfa og grímur að falla og nýliðinn upplifir það að hann er auðmjúkur og hluti af heild. Manneskja sem kúkar en ekki eitthvað egódýr sem veður uppi í hroka og rugli daginn út og inn.
þetta þarf ég fyrir alla muni að prófa, Magga getur þú hóað saman einhverjum reynsluboltum til að vígja mig með þessum hætti?
Kannski að flugherinn sé til í þetta?
Ég er til. Og Siggisiggibangbang. Og Tóti, maður Beztarans.
Ég held ég geti ekki hugsað mér betra teymi í þessa vígslu mína, samt spurning hvort það mætti bæta við pródúsernum íðilfagra?
eða gilda kannski reglur sem kveða á um hversu margir hvatningaraðilar mega vera?