Það hryggir auman mig að Dr. Bob fraus í hel fyrir hartnær sólahring síðan. Hann hefur prýtt gluggakistu mína í orðrómuðu kaupsýsluhreiðri mínu og hórkonunnar frú Sigríðar.
Ég var fyrir nokkrum mánuðum síðan beðinn um að passa Dr. Bob fyrir unga stúlku sem vinnur á sömu hæð og ég og hóran. Unga stúlkan þurfti að sinna kaupsýslu í útlandinu stórkostlega, en gat ómögulega tekið Dr. Bob með sér.
Hann var þá ekki nema lítil spíra í potti. Lítill og varnarlaus í andstyggilegum heimi, fullum af vondu fólki með steinhjarta. Ég sem hef aldrei verið mikill pottaplöntumanngerð, tók hann að mér og sýndi honum ástúð og nærgætni, sem varð þess valdandi að hann óx og dafnaði í kærleiksríkum félagsskap við undirritaðan. Á örfáum mánuðum var Dr. Bob orðinn það stór að hann rúmaðist vart í gluggakistunni.
En í morgun kom ég að honum dauðum og verð ég að segja að ég varð sorgmæddur í hjarta mínu. Ég varð óneitanlega fyrir smá áfalli. En enga fékk ég áfallahjálp, því ég deili skrifstofu með fólki sem hefur aldrei elskað og kann það ekki.
Dr. Bob er afleggjari af plöntu sem samnefndur gubbaði yfir á síðasta drykkjutúrnum sínum í Akron Ohio fyrir rúmum 70 árum síðan. Síðan þá hefur afleggjari þessi gengið manna á milli og verið stoð og styrkur þeirra er þreyta kaupsýslu í samtökum iðnaðarins.
Ég á einn sprellilifandi Dr. Bob í gluggakistunni minni ef þig vantar afleggjara til að breiða yfir vanræksluna þína:)
Dr. Bob dauður, Bill dauður og mér líður ekki sem best sjálfum
ég samhryggist Siggi minn.
er ekki hægt að þurka hann og reykja ann og komast að innsta kjarna ælu doctorsins?
Það væri nu ekki onytt….
hvað myndurðu selja grammið a innann samtaka iðnaðarinns ?
er þetta ekki brottrekstrarsök úr samtökunum að myrða eintak af þessu pottaplöntuhelvíti… annars dauðlangar mig að prófa að reykja þetta líka og athuga hvort ég nái ekki hærri hæðum en nokkru sinni fyrr!
Siggi. Heldurðu að þetta sé táknrænt? Hvað næst?
Já, hún er skynsöm stúlka, hún Allý. Hún sér strax hvernig í (blóma)pottinn er búið. ÞÚ DRAPST DR. BOB, SIGURÐUR. Þú yfirgafst hann og á og lézt hann einan í grimmri veröldinni, hvar ljóstillífun er engin hjálp né hlíf gegn illsku og fláttskap. Einn þurfti Dr. Bob að heyja dauðastríð sitt, einn hvarf hann vit forplantna sinna og einn mun hann standa á efsta degi, því ekki verður þú, hjartalausi maður, til að bera blak af saklausri plöntu þá, fremur en fyrri daginn. Hvernig sefur þú svo eftir þessi kærleiksverk?
Þeir sem að málinu standa er fullkunnugt að þér drápuð Dr. Bob. Dr. Bob var það eina sem mér þótti vænt um í þessu lífi, og það gastu ekki umborið. Það er ekki bara vegna þess að þér eruð portkona, held líka vegna þess að þú þrífst ekki í nálægð við kærleik. Þú notaðir daginn sem ég var að sinna mikilvægri kaupsýslu hjá hinu opinbera til að kreista úr Dr. Bob líftóruna.
Þar sem er ylur dregur þú niður í ofnum. Þar sem er ljós, slærðu út öryggi. Þar sem eru pottaplöntur, opnarðu glugga til að hleypa inn frosti.
Meira að segja Jesú, fyrirgæfi þér ekki fyrir ódæðisverk þín.
Svona svona strákar mínir. Strjúkiði kviðinn og elskið friðinn, í guðana bænum.
Annars kem ég á skrifstofuna ykkar og skamma ykkur og dreg ykkur í kaffi. Það viljiði ekki.
Siggi minn, þetta verður allt í lagi elsku vinur…Ég stend með þér í þessu,
hver getur eiginlega skilið plöntur til hins ýtrasta..? Og hver getur eiginlega sagt það að þú hafir vanrækt Dr.Bob? Var ekki bara hans tími komin…Var hann ekki bara lítil og aumleg grein þegar þú fékkst hann í hendurnar sem óx svo upp í að verða stórt og tignarlegt meistaraverk í þinni gefandi umsjá…Getur ekki bara verið að þú hafir verið sá sem áttir að sýna honum hvað hann ætti skilið…?
Hann hefur örugglega bara vitað að hann myndi aldrei verða hamingjusamari og svo kom Hr. Guð og tók hann bara til sín (Eftir að þú skildir hann eftir í fegurð vetrarins). Átti þetta ekki bara að fara svona….
Ætli Dr. Bob sé ekki bara að seigja kallinum núna hvað þú stóðst þig vel í að vera plöntuhirðir..Ég meina, þú veist það ekki…
P.S Ef að þig langar Hr. Promaz, að þá máttu kíkja á bloggið mitt sem ég gerði fyrir fjölmiðlafræðina…Þú mátt endilega seigja mér það ef þú sérð þar eitthvað sem ekki hæfir hefðardömu eins og mér á því…
Það er blog.central.is/soffialitla*
Já, hún Sófasettína Frænka greinir stöðuna af glöggskyggni æskunnar og hugrekki sakleysisins: ÞÚ ÓLST DR. BOB EINS OG ALIPLÖNTU TIL AÐ GETA SVO SLÁTRAÐ HONUM! Hitler? Klaufi og byrjandi við hliðina á þér. Kommóðína spyr hvort þetta hafi ekki átt að fara svona? Hvort Guð hafi ekki vilja þetta? Hvað segirðu um það, Þú sem ekki hikar við að taka þér hlutverk Guðs í lífi manna og málleysingja, og þegar þú ert búinn að skítnýta þessa umkomuleysingja þá frystirðu þá í hel. Var það þetta sem “átti að gerast?”. Ég felli tár á lyklaborðið. Ég spring af harmi.
Ég er með eina kenningu fröken Sigríður. Veist þú bara ekki svoldið upppá þig sökina,
glymur ekki hæst í tómri tunnu?
Er ÞAÐ ekki aðalástæða bræði þinnar,fröken Sigríður…
Frú Sigríður portkona er síður en svo einhver djöfulsans Fröken!!!!
Aumingja Doktor Bob.
Það var ábyggilega það síðasta sem hann vildi að verða bitbein í hatrammri deilu manna sem hatast.
Ruglaði Rock Star ykkur nokkuð??
Aumingja Doktor Bob og vesalings, vesalings Marínó……..
Ég mun ganga aftur úúúúú ef þið hættið ekki að rífast úúúúúú og þylja upp skref og venjur samtaka iðnaðarins úúúúú allan daginn á skrifstofu ykkar úúú.
En gaman, þá geturu kanski sagt okkur hver drap þig…
Það var væbið maður, væbið…
AAAAA!
Þvílíkt og annað eins 🙂
Ég hef drepið nokkrar plönturnar um ævina en ekki voru þær allar af góðu fólki komnar, hvað þá af góðri ælu.
En ég ræktaði fína plöntu á árum áður (sem reyndar kom af góðu fólki) og það útá svölum í útlandinu.
Sumarið var gott og sólargeislarnir umluku plöntuna sínum mjúku útlensku geislum það sumarið, mér og nágrönnum mínum til mikillar ánægju.
…svo kom uppskerutíð og blessuð plantan var höggvin niður.
Pease !!,,