SiggiSiggiBangBang

testing!

Sumar & Sól!
Blómarósir sem að öllu jöfnu halda sig innandyra valhoppa um hvippinn og hvappinn.
Ég ætla að skreppa niður í Nauthólsvík með vinum mínum og horfa á misfallega kvenmannsbotna.
And Good day to you sir!

Gengi mitt í kjötheimum er lágt sem stendur.
Jú, það er vel við hæfi að tala um gengisverð á kjötmarkaðnum. Ég er tildæmis algerlega hárlaus. Ég er luralegur – hokinn í baki, – og kem mönnum fyrir sjónir eins og í sé í þann mund að fara að geyspa golunni. Einkennilegt – kann að vera út af árstíðinni, en andstyggðar graftarbólur hafa sótt mig heim, þannig að ég get varla látið sjá mig utandyra.
Tískan, óóóó isssss/fruss og tussumskufs. Tískan elskar mig ekki neitt!
Þegar ég mæti Skildi tískulöggu út á gálueyðunni, – þá horfir hann á mig með fyrirlitningaraugum.
Þeir sem að gefa mér einhvern gaum eru fjandvinir óskilgetins samkynhneigðs sonar Egils Ólafssonar.
Já – gengið er lágt! En ég læt ekki deigan síga – heldur ber mig mannalega og læt höggin ganga mér á brjóst.

Í mínum félagsskap þykir fínt að tala um það að vera með hausinn upp í rassgatinu á sér þegar maður er eilítið sjálfhuga. Það er óneitanlega gaman að sitja á kaffihúsi og súpa af bolla, ræða eilítið um það sem að drifið hefur á daginn og hvert maður stefnir í þessu lífi – ef maður er af leið og farinn að hugsa meira um eigin hagsmuni þá vellur undantekningalaust upp úr einhverjum við borðið “TAKTU NÚ HAUSINN ÚR RASSGATINU Á ÞÉR”.
Viti menn, maður sér það í þarmi sínum að þarna var maður aðeins of eigingjarn og var ekki alveg að taka tillit til alls þessa yndislega fólks.
Minnir mig svolítið á gömlu góðu Búkollu söguna þar sem að Búkolla baulaði “TAKTU HÁR ÚR HALA MÍNUM”. Hefur kannski ekki alveg sömu merkingu, en hljómfallið er svo innilega það sama.

Mikið um Matrix vangaveltur í gróskufullum félagsskap mínum.
Ég stend fast við fyrri orð mín um myndina.
Hin og þess smáatriði eru rædd víðsvegar um allan heim. Eins og atriðið þar sem að Neo, Morpheus og Trinity ganga inn á veitingastaðinn til að hitta fyrir gredduskriftuna frönskumælandi.
Þar verður Neo var við að það er verið að kasta á dyr manni sem að líkist honum sjálfum á efri árum.
Ég hef mjög svo gaman af þessu og Diddiliddilididddilídei er búinn að lána mér nokkar Lovecraft bækur sem að hann segir að sé mjög svo í ætt við allar þessar pælingar.
Ég veit að ég er ekki í neinum vandræðum með að yfirkeyra hausinn í mér í þágu þess að gleyma stað og stund, – en mér finnst öllu þægilegra að vakna með hausinn á mér uppfullan af vísindaskáldskap og kóða heldur en hálffullur, útmiginn með hornasir.
Vel á minnst – einu sinni var ég búinn að eyða svo miklum tíma í kóða og tölvur að ég var að reyna að vakna við vekjaraklukkuna mína, – milli svefns og vöku reiknaðist mér til að klukkan hefði ekki náð sambandi við gagnagrunninn og þar af leiðandi engin ástæða til að vakna.

Varðandi skrif herra Elvis2 í gestabók mína.

Elsku Elvis2!
Einu sinni var ég að “skemmta”(“gæsalappir” gúgú “gæsalappir”gúgú” gæsalappir”) mér á “skemmtistaðnum” 22 og þá voru þar menn sem þóttust fullvissir um að ég væri samkynhneigður sonur Egils Ólafssonar og vildu fyrir alla muni hjálpa mér til að deyja. Já, skrítinn er þessi heimur – hvað hafði Egilsson unnið sér inn til saka spyr ég nú bara.. Þormóður(Móði) heitinn gekk þar manna á milli, – og gerði þessum kúkalingum það ljóst að ég væri ekki undan Agli og því síður væri ég samkynhneigður þar sem væri svo til ómögulegt fyrir annan karlmann að koma mér til(mikið reyndi hann Móði minn heitinn – blessuð sé minning þessa mikla meistara).
Jæja, þetta var skemmtileg ganga niður minningarveg.
Eitthvað fleira hafði ég í huga, en ég læt það bíða betri tíma.

Er lífið byggt á IF og ELSE?
Kannski eina leiðin til að fá einhvern botn í allt þetta prjál.
Matrix Reloaded – óaðgengilegasta mynd ársins?

Mér finnast þessar pælingar vera alveg framúrskarandi, en síður en svo auðmeltar.
Ég mátti hafa mig allan við, þegar Neo var að spjalla við arkitektinn – já mikið varð ég hrifinn af þessari mynd.
Zion og Zionistar(Tzion/Tzionist’im), – hin útvalda þjóð, – fjandi grand finnst mér. Rúnturinn á hraðbrautinni er gersamlega ‘breathtaking’ –
JÁ!!! ‘BREATHTAKING’.

Atburðir dagsins í IF og ELSE:

IF($skitavinna){ echo “to tired to think”;}
ELSE IF($heimavinna) {echo “no security”;}

Ég á alveg eftir að skrifa eitthvað sem að bergmálar “money, money, money for minimum effort”.

Nú finnst mér það sjálfsagt að reist verði ‘synagogue’ og það helst á Bessastöðum.
Ef það er eitthvað sem að virkar vel á mig í trúarpólitík, þá er það að sækja ‘synagogue’. Guð einn veit að ekki get ég leitað í kirkjunnar dauðyfli á borð við Siffalíus og misyndismanninn Ólaf Skúlasson, – þeim mun síður á ég félaga í Gunnari ‘sjálfshyggjusínhyglisrunkara’ Krossmanni.

Ég segi til hamingju Dorit og Ólafur. MAZEL TOV

Þið nasistafífl!!! Einu skiptin sem að mér finnst ég vera útlendingur í eigin landi er þegar ég tala við illa gefna íslendinga, sem að er fyrirmunað að tala rétta íslenzku.

pfffff – hitinn er ekki genginn niður – ahhhhhhhhhhh

Regarding this!

Zeranico hefur eytt ómældum tíma í það að vesenast yfir hlutum sem að hann fær svo til alveg ókeypis.
Miðað við að hugsjónamaðurinn zeranico reykir ca. pakka á dag og eyðir þar með rúmum $2500.- í stóru vondu fyrirtækin í USA, – þá talar hann ekki mikið um það.
En kvikmyndaiðnaðurinn á undir högg að sækja hjá zeranico.
Svei og drullufokk – segir hann hallar sér aftur og horfir á illa fengin ‘friends’ þátt.
”Helvítis kvikmyndaiðnaðurinn!!” – rétt eins og hann sé að tala um mein á borð við alla þá bráðdrepandi sjúkdóma sem að reykingarfólk fær af reykingum á amerískum gæðarettum.

Berjum mæður okkar fyrir að gefa okkur móðurmjólk!

Þessi klausa var tileinkuð kærum vini mínum – honum P***i

prOMAz|n says: dragðu bara þínar ályktanir
ZeRaNiCo® says: ég var ekkert að segja það
ZeRaNiCo® says: það að íslendingar séu fífl
ZeRaNiCo® says: það er merki um hroka
ZeRaNiCo® says: hvert sem þú ferð skiptir varla máli
prOMAz|n says: fólk er fífl
ZeRaNiCo® says: heldur hvers vegna þú ferð
prOMAz|n says: ég má ekki fíflast í næturgalsa
ZeRaNiCo® says: 😮
ZeRaNiCo® says: þú mátt það sem þú vilt
prOMAz|n says: og kalla íslendinga fífl fyrir það að fíla Gísla Martein
ZeRaNiCo® says: ef þetta er meiningarlaust þá þarftu ekkert að taka þessu illa
ZeRaNiCo® says: hvur er Gísli martein
prOMAz|n says: well, það eru merki um grunnhyggju og heimsku að fíla Gísla Martein
prOMAz|n says: sorry
ZeRaNiCo® says: er það einhver hóra
prOMAz|n says: en þannig sé ég það
ZeRaNiCo® says: já
ZeRaNiCo® says: það er hroki
ZeRaNiCo® says: 🙂
prOMAz|n says: horfðu á Gísla Martein og talaðu síðan við mig
ZeRaNiCo® says: hvur er þessi maður
prOMAz|n says: hvar býrð þú góurinn
ZeRaNiCo® says: enda væri það varla neitt minni hroki ef ég segði slíkt hið sama
ZeRaNiCo® says: ég bý við ****veg
ZeRaNiCo® says: það er enginn Gísli þar
prOMAz|n says: fokkaðu þér, þú þarft ekki að kunna að meta allt í þessu lífi
prOMAz|n says: það þarf ekkert endilega að vera hroki
ZeRaNiCo® says: nei ég þarf ekki að dæma það sem rugl og heimsku þó ég fíli það ekki ….
ZeRaNiCo® says: æj sorry þetta er ekkert persónulegt
ZeRaNiCo® says: ég er fucking hrokafullur sjálfur

Gerði heiðarlega tilraun til að skemmta mér yfir ‘101 Reykjavík’, en nei nei og fussum svei attann með hæfilegum skammti af skammar og fúkyrðum af óendursegjanlegu tagi.
Þegar 21 mínúta var liðin af þessari mynd sagði ég stopp og fræmkvæmdi skipunina ‘delete forever and ever and stop taking valuable space.’
Baltasar hefur semsagt eyðilagt líf mitt ásamt ómenningarhryðjuverkamönnum á borð við Gísla fokking Martein, sem að landinn er nú yfir höfuð bara að fíla í botn sem að segir mér það að hér er ekkert eftir fyrir mig, – nú er mál til komið að setja niður í tösku og koma sér á brott með flugleiðavél og njóta þess að velta sér um í grænna grasi en kemur nokkurn tímann til með að fyrirfinnast hér í þessu guðsvolaða lastarbæli.
Fuck you very much!

Dagur #2 USD 79,5600 79,9600.
Fyrir u.þ.b viku síðan var ég að tralla með breytu sem að reiknar út íslenskar krónur eftir gengi dollars og þá stóð hann í 73.03. Vissulega verður spennandi að sjá hvernig hann stendur sig á næstu dögum.
Upphaf þeirra þriðju gleður mig ósegjanlega, – og hlakka ég til að sjá börnum slátrað í beinni útsendingu.
Ímyndið ykkur það að ég sem íslenskur stuðningsaðili við árásarstríð, – get hér í þægilegheitum míns eigin heimilis sest niður með klementínur og léttsaltað poppkorn og skemmt mér konunglega yfir mannsdrápum einhversstaðar lengst fyrir rassgati miðjarðarhafs, þar sem að fólk skiptir yfir höfuð engu máli, því það á sér bara tilveru í fréttum.
En skemmtilegt til þess að hugsa að ég kann nokkrar setningar í kúrdísku, frá því að ég dvaldi í fjóra mánuði í kúrdísku úthverfi fyrir utan Jerúsalem.
‘Mak-ebet, gibb-et dhamm-hed’
Í lauslegri þýðingu: ‘Hvað viltu gera, viltu fara að sofa?’ Já, og ég þarf varla að tíunda það fyrir einum né neinum hversu vel þessi kúrdíski orðaforði hefur komið mér.
Jæja, viva la Bush – death to videodrome.
Bad day!