Eins og lesendum er kunnugt framdi klarinettið mitt sjálfsmorð. Var það eitthvað sem ég sagði, eða gerði?
Með hjálp nútímatækni hef ég pantað mér þetta fallega rauða klarinett. Mér fannst við hæfi að hafa nettið rautt, því að skærir litir hafa til þessa hjálpað mér að halda karlmönnum með anorexískt gáfnafar í hæfilegri fjarlægð frá mér, sbr. appelsínugulu síðbuxurnar mínar.
Guð blessi ebay fyrir að kýtta upp í tómarúm sálu minnar. Nágrannar mínir hér á Óðinsgötunni geta nú tekið gleði sína á ný, því nú hefjast æfingar á eftirfarandi smellum: Ljúfa Anna, Suður um höfin, Undir bláhimni, As times go by, Blue moon, og fleiri lög vel til þess fallin að koma hlustandanum/fórnarlambinu – hvort sem viðkomandi líkar betur eða verr – í hátíðarskap. Með þessu móti get ég borgað fyrir tónlistina sem þetta aðflutta pakk spilar, þegar það fær sér í aðra tánna.
Sú stúlka sem ekki þýðist þig og rauða klarinettið er haldin einhverri ónáttúru.
“Annie´s Song” hljómar líka sérstklega fallega í blástursútsetningu. Nú er bara að bera vaselín á varirnar kvölds og morgna og bíða að pósturinn hringi – tvisvar.
þú ert undantekningin sem sannar þá reglu að það er drykkfellt og viðurstyggilegt pakk sem byggir 101 Reykjavík.
Ég man það eins og það hefði gerst í gær þegar ég hrökklaðist með köttinn minn og fátæklegu búslúðina upp í breiðholt undan þessum andskota.
Klarinett eða ekki klarinett, geðheilsa þín á eftir að bíða varanlegt tjón af þessum búskap!
Hvað er að fólki sem flytur úr 101 uppí Breiðholt? Aumingja kötturinn…
Já, og til hamingju með nýja klarinettið!
Ert þú nú ekki kominn á Vísa fyllerí þarna í 101, svei þér að óknyttast út í nágranna þína þótt þau aðhyllist alþýðulistamenn landsins og spili Bjartmar af og til, til að koma sér í gott skap
Takk kæri Ofurnemi og takk Linda María fyrir fögur orð. 🙂