Fáklæddur á facebook

Ég er mikill tískunnar maður og eltist við að gera það sem þykir töff hverju sinni. Undanfarið hef ég orðið var við að færst hefur í aukanna að birta af sjálfum sér myndir á fésbókinni sívinsælu í fátæklegum klæðum. Þetta gerir fólk hugsanlega til að vekja athygli á að efnahagur almennings er í svo miklum molum að ekki eru einu sinni til peningar fyrir skjólfatnaði. Margar þessar myndir eru þó allt að því kynþokkafullar og ekki eyðileggur það stemninguna fyrir gömlum manni í litla Skerjarfirði. Það er fátt eins upplífgandi og að sjá frænda, frænkur, trúnaðarvini og vinnufélaga, – fáklædda, með stút á munninum, eða fjarrænt augnaráð. Ég vil ekki láta mitt eftir liggja og eyði því frítíma mínum í að taka myndir af sjálfum mér í nánast ekki neinu. Hér gefur einmitt að líta mynd af mér í eftirlætisnærbuxunum mínum.

13 thoughts on “Fáklæddur á facebook”

  1. Ertu að tala um nektarmyndirnar af Möggu Frænku? Hrein fegurð -yes? Auðvitað.

    Sjálfur hefurðu augljóslega tekið ansi marga drætti á róðravélinni þér til framdráttar… LAGLEGUR FÉLAGI!

  3. Myndin er frá 2003. Mig minnir að ég hafi skrifað færslu um samfélag þar sem menn notuðu kynfærin sín í prófíl mynd. En fólk þekkti ekki hvort annað í því samfélagi. Á facebook er fólk meira og minna málkunnugt hvoru öðru, þó svo að á vinalista mínum sé fólk sem ég hef aldrei átt samskipti við. Það er því gaman að fá að sjá fólk sem maður hefur einungis átt formleg samskipti við, hálf nakið.

  5. ósköp heimilislegt, þú þarft nú ekki að fara lengra en í sundlaugarnar til að bera augum alveg hreint bláókunnugt fólk nánast allsnakið, ægilega pervertískt:)

  6. Já flott mynd Siggi, ég hef líka séð hana áður og var einmitt að vonast til að fá að sjá hana aftur.
    Um leið og frú Sigríður hefur tíma ætlar hún að taka mynd af mér léttklæddri. Ég ætla síðan að skella myndinni á facebook. Ég geri ráð fyrir að vinsældir mínar muni aukast mikið. Ég sé fyrir mér vinnufélaganna bara: Já sæll!! ég sá þig á bikini á netinu. Þú ert alltaf svo flippuð og hress og svo bara líka með þessi mössuðu læri. Má ég hanga með þér í hádegismatnum?
    Þá fyrst verður lífið gott.

  7. Ég er alltaf voða svag fyrir svona randsaumuðum karlanærbuxum með sérstyrktri klofbót.

    Sennilega vegna þess að ég ólst upp innan um tómar konur – og svo þegar ég komst í tæri við karlmannsnærföt í náttúrlegu umhverfi hélst mönnum svo illa á þeim…

  8. Magga ég skora á þig að gera þetta. Líf mitt tók stakkaskiptum eftir að ég birti baðfatamynd af mér á Facebook. Ég held þú eigir séns. Fyrst menn slá þig á rassinn í gymminu er næsta skref að taka baðfatamynd. Og þú veist, líkaminn er engin synd. Hann er fallegur í sinni mynd.

  10. Mér skilst að það sé hentugast fyrir menn, sem notast við Feisbúkk, að henda upp svona nærbuxnamynd ásamt textanum
    “Have penis, will travel”

    Koma sér að kjarnanum, hratt.

  11. Það er bara sorglegt ef maður er vaxin eins og þú Pétur… farðu að æfa og hætta þessum hassreykingum.

  12. Hass eða ekki hass þá geta slangur manna og kvenna vitnað um spengilegt vaxtalag mitt sem meðal annars tryggði mér æviráðningu í ónefndum sammnorrænum félagsskap manna sem komnir eru nokkuð til ára sinna en hafa þó á engan hátt látið deiga sinn síga, nú eða sitt eftir liggja á glámbekk.

    Ég mun ganga í að hrekja þessa athugasemd annars ágætrar margrétar með ljósmynd og þvagsýni og hreinsa þar með flekkað mannorð mitt!

Comments are closed.