Rusl rusl rusl rusl rusl

Svokallaðir vinir mínir plötuðu mig með sér á Die Hard 4.0. Ég held ég hafi ekki séð annað eins rusl það sem af er þessu ári. Ég leið kvalir undir endann svo ógeðslega leiðinleg var þessi mynd. Bíósalurinn var pakkfullur af unglingum sem lyktuðu af pizzaáti og sjálfsfróvun. Þegar John McClane tók tilfinningaþrunginn monologue um það hvað það væri dýru verði keypt að vera hetja, þá veltumst ég og vinur minn úr hlátri. Við uppskárum illt auga allra nærstaddra; að við voguðum okkur að hlæja í þessum viðkvæma kafla í myndinni. Endemis steypa. Þessi mynd er að fá 8.2/10 á imdb; 17.000 manns hafa kosið. Ég er svo hlessa, er fólk kannski bara eitthvað brjálað. JibbíogJæja var kannski ógeðslega sniðugt í fyrstu Die Hard myndinni, en guð sé oss næstur að fylgjast með ellidauðum Bruce Willis leika þetta himpi gimp enn eina ferðina, segjandi sömu brandarana er algert gubb. Það er ekki oft sem ég er svona gáttaður yfir aumkunarverðri frammistöðu í kvikmyndagerð, en þessi mynd fær vinninginn yfir verstu myndir kvikmyndasögunnar. Varist hana eins og heitan eldinn.

13 thoughts on “Rusl rusl rusl rusl rusl”

  3. Ég á líka svona vini, síminn hjá mér hefur ekki stoppað síðan þessi =(#$=7 mynd var frumsýnd. Var að losna við MV af msn þar sem hún var að biðja mig að hafa Die Hard dag – þar sem við myndum horfa á fyrri myndirnar þrjár og fara svo á miðnætursýningu á númer 4.

  6. Ætl’a’ana – engin spurning.

    Allt sem ég vil í cheap afþreyingu

    Engin bömmer eftirá um hvert við stefnum öll, tja ekki nema kannski þeir þarna í Ammeríkunni

  8. Þær skammast sín bara geðveikt fyrir það…. þessvegna eru þær með þessar flækjur hér á síðunni… þú veist… til að reyna að breiða yfir þetta.

    Ég hef heyrt að þær fari stundum berar að ofan í Paint Ball og rymji karlmannlega á milli lota.

Comments are closed.