Ég hef með aldrinum vaxið sem viðkvæm og umfram allt falleg tilfinningavera. Sem fallegt lítið blóm, sem hefur í gegnum tíðina verið troðið undir af eigingjörnum, andstyggilegum skíthúsköllum með svarta sál og stíflaðan ristil. Þið vitið hverjir þið eruð! Af sérstakri háttvísi og með fullri virðingu óska ég ykkur offitu og inngróinna tánagla. Ég, – þessi kærleiksríka gamla sál; staddur hér á reikistjörnunni jörð í þeim tilgangi einum að gagnast mannkyninu – stend frammi fyrir miklum hryllingi í mínu lífi. Ég fæ ekki rönd við reist. Það er alveg sama hvað ég sparka og læt illa, ég virðist ekki hafa neitt um málið að segja.
Hvað ósköpunum getur verið svona hræðilegt, gæti einhver spurt sig?
Að þykja varið í stelpu er í mínum huga ekkert annað hryllileg geðveila. Það er ekki efi i mínum huga: ef raflostmeðferð gagnaðist til að lækna þessa geðveiki, þá tæki ég þeirri meðferð fegins hendi. Ég veit ekkert meira kvalræði í heimi hér. Þetta ástand heltekur líkama og sál, ekki ólíkt því þegar maður fær gubbupest. Er ég verð fyrir ólukku af þessu tagi, þá vildi ég helst óska þess að ég væri dauður.
Svokölluð ást, með allri meðfylgjandi andstyggð þjakar hjarta mitt. Viðurstyggilegt fyrirbæri sem vaknar til lífsins líkt og ódrepandi uppvakningur. Ástin; viðbrögð sálartetursins við einsemdinni, heimtar það af þeim sem hún leggst á, að viðkomandi bindi enda á einmanaleikann. Hún öskrar, gargar og spúir blóði; ástin verandi drápfús naðra af óþekktum uppruna.
Kvalræðið sem ástin er hefur miklu meira með kynferðislega spennu, losta og girndarráð að gera en kærleik og umhyggju fyrir andlegum þroska annarrar manneskju. Ef að hinn andsetni er spurður, þvertekur hann fyrir það að ástin hafi eitthvað með kynlíf að gera. Hann getur ekki að því gert, hann er veikur. Hann gerir sér ekki grein fyrir að ástin er tímabundið ástand ölvunar sem tekur af og drepur allt og alla sem hún kemur nálægt.
Ég dramatískur? Svei nei. Ég er raunsær maður, sem hefur ákveðið að lifa lífinu í bláköldum raunveruleikanum, þar sem berstrípaður hryllilegur sannleikurinn kemur í veg fyrir að nokkur sála líti glaðan dag.
En ég elska þig, á því leikur enginn vafi.
A+ fyrir tilgerð.
sko nú þarft þú Segurður minn að komast á stefnumót með vænni stúlku og það sem allra fyrst!
Getur þú reddað vænum stúlkum? Okkur Sigurð vantar stúlkur sem skilur hvers lax helvíti við gengum í gegnúm í Kópavogsskóla forðum…
Er gellan sem var á Nordica farin af landi brott?
Sú virtist vera hinn prýðilegasti kvenkostur
Já, þökk sé þér Allý. Er þessi athugasemd þín innblásin af hvíta hyskis rómantíkinni fyrir austan fjall. Ertu búin að fara í lautarferð í incest fjölskyldugarðinum á Selfossi?
Incest fjölskyldugarðurinn er á Stokkseyri.Hálfviti
Ert þú ekki ættaður þaðan?
Djö er laganna vörður ruglaður. Siggi ÞArftu bara ekki að fara að rækta í þér andann og lifa í Núinu
Segðu henni það
Nei, henni kemur það ekki við. 🙂
Það mætti halda það að þú værir ástfanginn núna, hefur bara ekki sést á snarráðu skilaboðaskjóðunni í langann tíma eða ertu bara í sumarfríi.
JúJú þetta var nú einusinn mín hugmynd
Ég veit að þetta hljómar grimmt minn kæri vinur..En þetta er samt ekki meint á neitt illan hátt.
Það er annað hvort að láta bjóða sér þennan skelfilega ávana sálarinnar…Eða láta geldan sig Siggi minn*
We can’t escape this…Neither can they…..
Huggaðu þig samt við það að þú ert mjög viðkunnalegur maður sem hefur ekkert til að skammast sín fyrir..
Svo kanski einn daginn þegar þú ert orðin of gamall til að geta stundað saurlífi, finnuru loksins allt í einu konuna sem líður akkúrat eins og þér þarna sem er einnig afar viðkunnaleg og hefur ekkert til að skammast sín fyrir…Og finnur að þú mátt loksins elska…
Og hver veit, kanski græðiru síðan svo mikla peninga að þið látið frysta ykkur saman þar til að það kemur loksins á sjónarsviðið faglærður aðili sem reddar ykkur út úr þessari tilfinningaprísund..Nema að þá þarftu kanski samt að taka viagra til að stunda hið ofmetna saurlíf með viðkunnalegu konunni..En það verður skárra en ekkert saurlífi…
Svo verðuru uppljómaður eftir þessa merkilegu “losna úr tilfinningafangelsisprísundinni” tímabili að þú skrifar um það bók, með tiltinum “Frú Sigríður hafði rangt fyrir sér”…Sem selst í þúsundum eintaka og þú verður kosinn maður ársins af Mannlífi..
I believe in you man..Everything has a point..
Mér þykir vænt um þig Siggi minn..
Soffía.
Það er aðeins til eitt stykki Soffía og guð sé oss næstur, hvað það er vel lukkað eintak. Mér þykir líka ósköp vænt um þig Soffía. Eftir að hafa lesið athugasemd þína hef ég ákveðið að láta gelda mig. Það er til lausn.
Já, það verður aldrei sagt annað um þig Siggi minn en að þú sért kærleiksríkur maður:)