Fyrir um tveimur árum síðan var ég staddur á Baltimore flugvelli. Ég var sorgmæddur eftir að hafa lokið þrálátum kafla í lífi mínu. Kafla sem ég kýs að kalla: The Burning Bridges Project, og entist mér í heil 10 ár (kaflanum lauk ekki þarna). Með súra blöndu af feginleik og ógleði stóð ég við hliðið og beið eftir komast inn í flughöfnina. Ekki steinsnar frá gekk maður fram og aftur, klæddur í dýr og flott jakkaföt. Honum var mikið niðri fyrir og talaði digurbarkalega á hinu ylhýra í farsíma, fullviss um að allir í flugstöðinni væru áhugamenn um það sem hann var að segja. Hann hafði, eins og ég, verið í New York. Meðan ég gekk fram og aftur Manhattan aumur í sálinni, var hann að landa tímamótaviðskiptum.
Hversu mikið sem ég reyndi að leiða hann hjá mér, tókst mér það ekki. Ég óskaði honum norður og niður, en reyndi þó að hafa taumhald á hugsunum mínum, þar sem samfélagið mitt hafði með aðstoð töfrabragða náð að telja mér í trú um að ég væri haldinn sjúkdómi sem heitir afbrýðisemi. Andskotinn hafi það, mér fannst hann bara samt vera eins og fábjáni.
Nú hinsvegar þykir ekki lengur töff að vera hott-sjott biss-ness-maður. Kvenfólki þykir meiri fengur í manni sem er vel skóaður, en einhverjum sjálfumglöðum fávita á stórum dýrum bíl.
Om nama shiva….. Om nama shiva….. Om nama shiva….. Ahhhhhhhhhhhhhhhh…
Er það kannski tilviljun að ég fjárfesti í nýjum skóm í dag ?
Man er ég keyrði þig til borgarinnar eitt sinn á fjórhjóladrifnu farartæki. Hirti þig upp á miðnesheiðinni ásamt snót er var með þér í för var hún partur af þessu verkefni ?
Kunnugir segja að þú hafir litið lífið öðrum augum eftir þessa bílferð.
Þessum spurningum og þúsund öðrum verður ekki svarað fyrr en í næsta þætti sem verður væntanlega tekin af kviksyndasamsteypunni í Breiðholti.
Það er svoldið jaðar að vera hot sjott bissnessmaður í jakkafötum í dag, þessvegna hef ég fest kaup á þartilgerðum jakkafötum af fínustu sort, því ég er svo jaðar.
Framundan eru svo þrotlausar æfingar í símun við hinar ýsmustu aðstæður!
Nei, hún tilheyrir öðru projekti.
en fórstu í hringekjuna?
Myndin var tekin um páska 2005 á Coney Island, en skemmtigarðurinn þar er víst bara opinn á sumrin. Þarna var mjög eyðilegt um að litast, en þó einstaka fígúrur á ferli sem ég hafði ekki kjark í að eiga samskipti við.
Lífið er hringekja, maður bara veit ekki hvenær maður á að stíga af og kaupa sér fótanuddtæki.
Coney Island, en skemmtigarðurinn þar er víst bara opinn á sumrin.??
var þette ekki staðurinn sem kom við sögu í hinni frábæru mynd Warriors, mig minnir að þeir hafi verið að reyna að komast til Coney Island í þeirri mynd
Jú, það kemur heim og saman.