Umkomulausum karlmönnum sem lyfta sér á kreik með að maka á nakið hörund sitt rækjusalati, hækka í miðstöðinni og syngja ættjarðarlög, er til allrar guðs lukku sýnt meira umburðarlyndi nú, en í árdaga. Með tilkomu internetsins fína og fallega, hefur sjóndeildarhringur mannkyns breikkað og ýmiskonar spennandi kynlífshegðan er ekki litin sama hornauga. Þær bragðtegundir og áráttur sem fyrirfinnast í kynlífi verða ekki tíundaðar hér, enda of langt mál að telja allt það upp sem gleður neðri byggðir mannskepnunnar.
En hvernig kemur maðurinn því áleiðis til elskunnar sinnar hvaða kynlífshegðan honum finnst einna mest spennandi. Segjum sem svo að Jón Egilsson, virtur kaupsýslumaður í 101, sé farinn að treysta sinni ektakvinnu svo ríkulega að hann telji óhætt að deila með henni því sem kætir hann í svefnherberginu, sem er að sjálfsögðu að setja á sig bleyju og stinga upp í sig snuði.
“Guðrún mín, þú veist ég elska þig. Það er ekkert í heimi hér sem ég ekki gerði fyrir þig!” Guðrún Steinþórsdóttir, dóttir Steinþórs Guðmundssonar, sem á ráðandi hlut í stærstu fyrirtækjum, hérlendis og erlendis, horfir aðdáunaraugum á eiginmann sinn. Ef hann bara vissi hvað hún elskaði hann mikið. Í hennar huga, var lífið kalt og dapurlegt, áður en hún hitti Jón í kokteilboði hjá föður sínum. “Ég elska þig líka Nonni minn,” og fallegt brosið ber þess vitni að orðin eiga sér uppsprettu í rótum hjarta hennar. “Elsku Guðrún mín.” “Ástin mín.”
Í kjölfarið fylgir títtumræddur sleikur, sem þykir ægilega eftirsóknarverður í nútímasamlífi. “Guðrún mín, þessi vandamál sem við höfum átt undir sænginni,” segir Jón og deplar bambaaugunum sínum. “Já, elskan,” skilningurinn lekur úr munnvikum hennar. “Þannig er nú Guðrún mín að við mögulega gætum prufað svolítið sem ég er viss um að kæmi mér til,” andvarpar Jón, feginn að hafa vakið máls á þessu. “Hvað er það, elskan mín, vertu óhræddur að segja mér, ekkert sem þú gerir getur mögulega breytt áliti mínu á þér.” “Jú, Guðrún mín, mér stendur ekki almennilega nema, þegar ég set á mig bleyju og sting upp í mig snuði” /”$#/#!¨/#$”!&#%!%&#%%!!¨#!#$%%
E.S
Ég hef það fyrir víst að karlmenn af þessu tagi, sé hægt að finna á vinsælum einkamálavef hér á landi. Ekki ónýtt það.
Talandi um rækjusalat, Siggi minn gætirðu birt uppskrift af hummus til að smyrja á speltbrauðið ?
Gjörðu svo vel elskulegur Fóstradamus http://siggisiggibangbang.com/?p=73 .
ég er ekki svo viss um að fólk sé uppátækjasamara í svefnherberginu í dag heldur en í gamla daga.
Það tíðkaðist a.m.k ekki þegar ég var unglingur að bíða í röð í kirkjugarði eftir að fá að renna sér á einhverri ógæfusamri stúlkukind á kaldri vetrarnótt.
Munurinn held ég að sé einfaldlega sá að þetta virðist ekki vera eins mikið einkamál nú á síðustu og verstu!
Tíðkast svona raðir í dag, Pétur? Shit.
Annars held ég að ég þekki þennan Jón og þessa Guðrúnu. Jón virkar voða normal. Skrítið.
ég veit ekki hvort þær tíðkast í dag en ég hef heimildir fyrir að þær hafi tíðkast í upphafi tuttugustu aldar svo dæmi sé tekið … eflaust eru til dæmi um þetta í nútímanum líka!